51. O o‘u mata e tigā ai lo‘u loto, ‘ona o tama fafine uma a la‘u ‘a‘ai.
52. O ē ita fua mai ‘iā te a‘u, ‘ua latou matuā tuli mai ‘iā te a‘u, e pei se manulele.
53. ‘Ua latou fa‘aumatia lo‘u ola i le lua ‘ua lafo mai le ma‘a i luga ‘iā te a‘u.
54. Na lofia lo‘u ulu i le vai, na ‘ou fa‘apea ifo, “‘Ua ‘ou fano.”
55. Le ALI‘I e, na ‘ou vala‘au atu i lou suafa a‘i le lua e maulalo.
56. Na e fa‘afofogaina lo‘u leo; “‘Aua ne‘i ‘alo ou fofoga i lo‘u mapuitigā ma la‘u ‘alaga.”
57. Na e fa‘alatalata mai ‘iā te a‘u i le aso na ‘ou vala‘au atu ai ‘iā te oe;na e fetalai mai, “‘Aua le fefe.”
58. Le Ali‘i e, ‘ua e faia la‘u finauga; ‘ua e togiolaina a‘u.
59. Le ALI‘I e, ‘ua e silafia le agaleagaina o a‘u; ‘ia e faia lo‘u fa‘amasinoga.