Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9

Feagaiga Tuai

Feagaiga Fou

Amosa 7 O LE TUSI PA'IA - Ekalesia Katoliko Roma (RSCB)

O Mea Faigatā e Tutupu i Isaraelu

1. ‘Ua fa‘apea ‘ona fa‘ailoaina mai ‘iā te a‘u e le Ali‘i le ATUA; fa‘auta, na ia fa‘atupuina o sē akerise i ona fa‘ato‘ā tutupu a‘e o le vao mulimuli; fa‘auta fo‘i, o le vao mulimuli ia, a ‘ua mavae atu seleselegāmutia a le tupu.

2. ‘Ona o‘o lea ‘ina uma ‘ona ‘a‘ai o le vao iti o le fanua, ‘ona ‘ou fa‘apea atu ai lea, “Le Ali‘i le ATUA e, ‘ou te ‘ai‘oi atu ‘ia e fa‘amāgalo mai. Pe tula‘i ‘iā te ai Iakopo, auā ‘ua vaivai lava ia?”

3. ‘Ua salamō le ALI‘I i lenā mea; ‘ua fa‘apea mai le ALI‘I, “E lē o‘o.”

O le Afi

4. ‘Ua fa‘apea ‘ona fa‘ailoaina mai ‘iā te a‘u e le Ali‘i le ATUA; fa‘auta, na vala‘au atu le Ali‘i le ATUA ‘ia tauia i le afi, i ē ‘ua fa‘aumatia le moana tele ma fa‘aumatia ai le tasi mea.

5. ‘Ona ‘ou fai atu lea, “Le Ali‘i le ATUA e, ‘ou te ‘ai‘oi atu, ‘inā sōia; pe tula‘i ‘iā te ai Iakopo, auā ‘ua vaivai lava ia?”

6. ‘Ua salamō le ALI‘I i lenei mea; ‘ua fa‘apea mai le Ali‘i le ATUA, “E lē o‘o fo‘i lenei mea.”

O le Fua Fa‘atautau

7. Sa fa‘apea ‘ona fa‘ailoaina mai e ia ‘iā te a‘u; fa‘auta, ‘ua tu le Ali‘i i le ‘aupā tu sa‘o, ‘ua i ai i lona ‘a‘ao o le fua fa‘atautau.

8. ‘Ona fetalai mai lea o le ALI‘I ‘iā te a‘u, “Amosa e, se a ‘ea se mea ‘ua e iloa?”I le ‘ua ‘ou fa‘apea atu, “O le fua fa‘atautau.”‘Ona fetalai mai ai lea o le Ali‘i, “Fa‘auta, ‘ou te tu‘u se fua fa‘atautau i totonu o lo‘u nu‘u o Isaraelu, ‘ou te lē toe sopo‘ia lava.

9. E fa‘atafunaina mea maualuluga a Isaako, e fa‘atafunaina fo‘i malumalu o Isaraelu; ‘ou te tula‘i atu ma le pelu i le ‘āiga o Ierepoamo.”

O Amosa ma Amasia

10. ‘Ona alu lea o le fe‘au a Amasia le ositaulaga a Peteli ‘iā Ierepoamo le tupu o Isaraelu, ‘ua fa‘apea atu, “‘Ua fouvale Amosa ‘iā te oe i le ‘āiga o Isaraelu, ‘ua lē lavā ‘onosa‘i le nu‘u i ana ‘upu uma.

11. Auā ‘ua fa‘apea mai Amosa,‘E maliu Ierepoamo i le pelu,e matuā ta‘ita‘iina Isaraelu fa‘atagata o tau‘aa‘i lo latou lava lau‘ele‘ele.’”

12. ‘Ua fa‘apea mai fo‘i Amasia ‘iā Amosa, “Le tagata va‘ai e, alu ia, ‘inā sola oe i le nu‘u o Iuta ma e ‘ai i lea mea ma vavalo ai.

13. ‘Ae ‘aua ‘e te toe vavalo i Peteli; auā o le malumalu lea o le tupu, o le maota fo‘i o le tupu.”

14. ‘Ona tali atu lea o Amosa ‘ua fa‘apea atu ‘iā Amasia, “‘Ou te lē se perofeta a‘u nei, ‘ou te lē se atali‘i fo‘i o se perofeta; a o le fagamanu a‘u ma le galue i sukamoru.

15. A ‘ua ‘avea a‘u e le ALI‘I sa ou mulimuli i le lafu mamoe ma ‘ua fa‘apea mai le ALI‘I ‘iā te a‘u: ‘Alu ia, ‘inā e vavalo i lo‘u nu‘u o Isaraelu.’

16. “O lenei, ‘inā e fa‘alogo mai ia i le afioga a le ALI‘I.‘Ua e fai mai, ‘‘Aua le vavalo ‘iā Isaraelu,‘aua fo‘i le tautala atu i le ‘āiga o Isaako.’

17. O le mea lea o lo‘o fa‘apea mai ai le ALI‘I:‘E ‘avea lau avā ma fafine faita‘aga i le ‘a‘ai,e pa‘u‘ū fo‘i i le pelu o ou atali‘i ma ou afafine,e vaevaeina i le fua lou fanua; e oti fo‘i oe i le nu‘u leaga;e matuā tāfea Isaraelu a‘i lona lau‘ele‘ele.’”#