1. ‘Ua fai mai so‘o o le ‘au perofeta ‘iā Elisaia, “Fa‘auta mai, o le mea tatou te mau ai nei ma oe, ‘ua fetina‘i ai tatou.
2. Se‘i matou ō ia i Ioritana ma ta‘itasi le tagata ma ‘ave ai lana la‘au matou te fai a‘i i lea mea se fale tatou te mau ai.”‘Ona tali atu ai lea o ia, “‘Inā ō ia.”
3. ‘Ona fai mai lea o le tasi, “Se‘i tatou ō ma i matou o au ‘au‘auna.”‘Ona fai atu lea o ia, “Tatou te ō lava.”
4. ‘Ona latou ō ai lea ma ia. ‘Ua o‘o fo‘i i latou i Ioritana, ‘ona latou ta la‘au ai lea.