1. Mulimuli ane ‘ua fesili atu Tavita i le ALI‘I, ‘ua fa‘apea atu, “‘Ou te alu a‘e ‘ea i se tasi ‘a‘ai o Iuta?”‘Ua fetalai mai le ALI‘I ‘iā te ia, “‘Inā alu a‘e ia.”‘Ua fai atu Tavita, “O le fea ‘a‘ai ‘ou te alu a‘e i ai?”‘Ona fetalai mai lea o ia, “o Heperona.”
2. ‘Ona alu a‘e lea o Tavita i ai, o ia ‘atoa ma ana avā e to‘alua, o Ainoama le Isereelu, ma Apikaila le avā a Napalu le Karamelu.
3. O ona tagata fo‘i sa ‘iā te ia na ō a‘e i latou ma Tavita, e ta‘itasi ma lona ‘āiga; ‘ua latou nonofo i ‘a‘ai o Heperona.
4. ‘Ua ō mai tagata o Iuta, ma latou fa‘au‘u ‘iā Tavita i lea mea e fai ma tupu o le ‘āiga o Iuta. ‘Ua ta‘u atu fo‘i ‘iā Tavita,‘Ua fa‘apea, “O tagata Iapese-Kiliata na latou tanu ‘iā Saulo.”
5. ‘Ona ‘a‘au atu lea e Tavita le sāvali i tagata o Iapese-Kiliata, ‘ua fa‘apea atu i ai, “‘Ia manuia ‘outou mai le ALI‘I, auā na fa‘apea ‘ona ‘outou agalelei i lo ‘outou ali‘i o Saulo; na ‘outou teuteu fo‘i ‘iā te ia.
6. O lenei, ‘ia agalelei fa‘amaoni le ALI‘I ‘iā te ‘outou; o a‘u fo‘i, ‘ou te taui atu ‘iā te ‘outou lenei mea lelei, ‘ina ‘ua ‘outou faia lenei mea.