12. Sa puapuagātia o ia, ‘ona matuā fa‘atoga atu ai lea o ia i le ALI‘I lona Atua ma ‘ua matuā fa‘amaulalo o ia i luma o le Atua o ona tamā,
13. na ia tatalo fo‘i ‘iā te ia; ‘ona fa‘afofoga mai ai lea o ia ‘iā te ia ma na talia lana ‘ai‘oi ma ‘ua fa‘afo‘i mai ‘iā te ia i Ierusalema i lona mālō. ‘Ona iloa ai lea e Manase, o le ALI‘I o le Atua lava ia.
14. ‘Ua mavae ia mea, ona ati a‘e lea e ia o le pā i tua o le ‘a‘ai a Tavita, i le itū i sisifo o Kiona, i le alia e o‘o atu i le faitoto‘a o i‘a ma fa‘ata‘amilo i Ofele ma ati a‘e ai ‘ua maualuga lava ma ‘ua tofia ē pule i ‘au i ‘a‘ai nofo ‘olo uma o Iuta.
15. ‘Ua ia ‘ave ‘ese fo‘i o atua ‘ese ma le tupua nai le fale o le ALI‘I ma fatafaitaulaga uma na ia faia i le mauga o le fale o le ALI‘I ma Ierusalema ma na lafo atu ai i tua o le ‘a‘ai.