1. ‘Ua toe fo‘i atu Iosefatu le tupu o Iuta i lona fale i Ierusalema ma le filemū.
2. ‘Ona sau lea o Ieu lē atali‘i o Hanani le tagata va‘ai e fa‘afetaia‘i ‘iā te ia, ‘ua fa‘apea mai fo‘i o ia i le tupu o Iosefatu, “E tatau ‘ea ‘ona e fesoasoani i ē amio leaga ma alofa atu ‘iā te i latou o ē ‘ino‘ino i le ALI‘I? O le mea lea o lo‘o i luga ai ‘iā te oe to‘asā mai i le ALI‘I.
3. ‘Ae peita‘i ‘ua maua mea lelei o ‘iā te oe, ‘ina ‘ua e ‘ave‘eseina tupua o Asaira i le nu‘u ma ‘ua saunia lou loto e sā‘ili‘ili i le Atua.”