1. Sa fa‘atumauina Solomona le atali‘i o Tavita i lona mālō, sa ‘iā te ia lona Atua o le ALI‘I, ‘ua na matuā fa‘ateleina fo‘i lona mamalu.
2. ‘Ona fai atu ai lea o Solomona ‘iā Isaraelu uma, o ali‘i o ta‘ito‘aafe ma ta‘ito‘aselau ma fa‘amasino ma ali‘i sili uma o Isaraelu uma, o matai sili.
3. ‘Ona ō atu ai lea o Solomona ma le fa‘apotopotoga uma fa‘atasi ma ia i le mea maualuga sa i Kipeona; auā sa i ai i lea mea o le fale fetāfa‘i o le fa‘apotopotoga o le Atua na faia e Mose le ‘au‘auna a le ALI‘I i le vao.