10. ‘Ona ‘ave ai lea e Hiramo ‘iā Solomona o la‘au o arasi ma la‘au o perosi, o mea uma na ia mana‘o i ai.
11. ‘Ua avatu fo‘i e Solomona ‘iā Hiramo o saito e lua sefulu o afe o kori e fai ma mea e ‘ai mā lona ‘āiga; ma suāu‘u e tu‘ia o kori e luafulu; ‘ua fa‘apea ‘ona avatu e Solomona ‘iā Hiramo i lea tausaga ma lea tausaga.
12. ‘Ua foa‘iina mai fo‘i e le ALI‘I o le poto ‘iā Solomona, e pei ‘ona ia fetalai mai ‘iā te ia; ‘ua la nofo lelei o Hiramo ma Solomona, ‘ua la osia fo‘i la la feagaiga.
13. ‘Ua togia tagata e le tupu o Solomona mai ‘iā Isaraelu uma; o ē na togia fo‘i e tolu sefulu o afe o tagata.