7. O toe o mea na faia e Aviama ma mea uma na ia faia, e le‘i tusia ‘ea i le tusi o tala i nofoa‘iga a tupu o Iuta? Na utu tau fo‘i Aviama ma Ierepoamo.
8. ‘Ua ta‘oto Aviama fa‘atasi ma ona tamā, ‘ua latou tanu fo‘i ‘iā te ia i le ‘a‘ai a Tavita; ‘ona soloa‘i ane lea o Asa lona atali‘i e fai ma tupu.
9. O le lua sefulu o tausaga o Ierepoamo le tupu o Isaraelu na fai ai Asa ma tupu o Iuta.
10. E fagafulu ma le tasi o tausaga na fai ai o ia ma tupu i Ierusalema. O le igoa fo‘i o lona tinā o Maaka le afafine o Apisaloma.
11. ‘Ua amiotonu fo‘i Asa i luma o le ALI‘I, e pei o Tavita lona tamā.
12. ‘Ua ‘ave ‘ese e ia tagata fa‘asotoma i le nu‘u, ma na ‘ave‘esea tupua uma na faia e ona tamā.