27. ‘Ona tali mai lea o le nu‘u ‘iā te ia e tusa ma ia ‘upu na muamua, ‘ua fa‘apea, “E fa‘apea ‘ona faia i le tagata na te fasi ‘iā te ia.”
28. ‘Ua fa‘alogo Eliapo lona uso e matuā i lana fesili i tagata, ‘ona tupu ai lea o le ita o Eliapo ‘iā Tavita, ‘ua fai mai fo‘i, “Se a le mea ‘ua e sau ai? ‘Ua e tu‘uina atu fo‘i ‘iā te ai nā mamoe itiiti i le vao? ‘ua ‘ou iloa lava lou fa‘amaualuga ma le leaga o lou loto, auā o le fia matamata i le tau‘a ‘ua e sau ai.”
29. ‘Ona fai atu lea o Tavita, “O le a ‘ea le mea ‘ua ‘ou faia nei? ‘Ua fai fua ‘ea la‘u mea.?”
30. ‘Ua liliu ‘ese o ia ‘iā te ia, ‘ua fa‘asaga atu i le tasi, ‘ua fai atu fo‘i pei o na ‘upu; ‘ona tali mai lea o le nu‘u pei o le lua‘i ‘upu.