62. Na avatu fo‘i i atali‘i o Keresona i o latou ‘āiga, o ‘a‘ai e sefulu ma le tolu mai le itū‘āiga o Isakara, ma le itū‘āiga o Asera ma le itū‘āiga o Nafatali ma le itū‘āiga o Manase i Vasana.
63. Na avatu i atali‘i o Merari i o latou ‘āiga, i le vili, o ‘a‘ai e sefulu ma le lua, mai le itū‘āiga o Reupena, ma le itū‘āiga o Kato ma le itū‘āiga o Sepulona.
64. Na avatua e le fānauga a Isaraelu i sa Levī o ia ‘a‘ai ma o latou tuāfanua,
65. Na tu‘uina atu e i latou i le vili o ‘a‘ai nei, ‘ua ta‘ua ai o latou igoa, ai le itū‘āiga o le fānauga a Iuta ma le itū‘āiga o le fānauga a Simeona ma le itū‘āiga o le fānauga a Peniamina.
66. O isi ‘āiga fo‘i o atali‘i o Koato ‘ua i ai ‘a‘ai i o latou nu‘u mai le itū‘āiga o Efaraima.
67. Na latou tu‘uina atu ‘iā te i latou ‘a‘ai o sulufa‘iga, o Sekema ma ona tuāfanua, i le mauga o Efaraima; o Kasera fo‘i ma ona tuāfanua,
68. ma Iokameama ma ona tuāfanua ma Peteorana ma ona tuāfanua,
69. o Ailona fo‘i ma ona tuāfanua ma Katarimoni ma ona tuāfanua,
70. Na avatua fo‘i nai le tasi vaega o le itū‘āiga o Manase, o Aneri ma ona tuāfanua ma Pileama ma ona tuāfanua, mo ē o totoe o le ‘āiga o atali‘i o Koato.
71. Na avatua i atali‘i o Keresona, mai le ‘āiga o le tasi vaega o le itū‘āiga o Manase, o Koleni i Vasana ma ona tuāfanua ma Aserota ma ona tuāfanua.
72. Na avatua mai le itū‘āiga o Isakara, o Katesa ma ona tuāfanua, o Taperu ma ona tuāfanua,
73. o Ramota fo‘i ma ona tuāfanua, ma Anima ma ona tuāfanua.
74. Na avatua nai le itū‘āiga o Asera, o Mesala ma ona tuāfanua ma Apetono ma ona tuāfanua.
75. ma Hukoka ma ona tuāfanua ma Reopa ma ona tuāfanua.
76. Na avatua nai le itū‘āiga o Nafatali, o Katesa i Kalilaia ma ona tuāfanua ma Hamoni ma ona tuāfanua ma Kiriatima ma ona tuāfanua.
77. O ē na totoe o atali‘i o Merari na avatu i ai mai le itū‘āiga o Sepulona o Rimoni ma ona tuāfanua ma Tapora ma ona tuāfanua.
78. Na avatua ‘iā te i latou i lelā itū o Ioritana e fesagai ma Ieriko, i le itū i sasa‘e o Ioritana, mai le itū‘āiga o Reupena, o Peseri i le vao ma ona tuāfanua ma Iaesa ma ona tuāfanua,
79. o Katemoti fo‘i ma ona tuāfanua ma Mefata ma ona tuāfanua.
80. Na avatua nai le itū‘āiga o Kato o Ramota i Kiliata ma ona tuāfanua ma Maanaima ma ona tuāfanua,
81. o Hesepona fo‘i ma ona tuāfanua ma Iasaru ma ona tuāfanua.