32. Na latou ‘au‘auna fo‘i i pese i luma o le malumalu o le fale fetāfa‘i o le fa‘apotopotoga, ‘ina se‘ia faia le fale o le ALI‘I e Solomona i Ierusalema, ‘ona latou tutū ai lea i lo latou faiva e tusa ma o latou tofiga.
33. O i latou nei na tutū i latou ‘atoa ma o latou atali‘i.O isi o le fānauga a sa Koatō; o Hemana o le usu pese ia, o le atali‘i o Ioelu, o le atali‘i ia o Samuelu,
34. o le atali‘i ia o Elekana, o le atali‘i ia o Ieroama, o le atali‘i ia o Elielu, o le atali‘i ia o Toka,
35. o le atali‘i ia o Sufi, o le atali‘i ia o Elekana, o le atali‘i ia o Makata, o le atali‘i ia o Amesai,
36. o le atali‘i ia o Elekana, o le atali‘i ia o Ioelu, o le atali‘i ia o Asaria, o le atali‘i ia o Sefania,
37. o le atali‘i ia o Taata, o le atali‘i ia o Asiro, o le atali‘i ia o Aviasafo, o le atali‘i ia o Koru,
38. o le atali‘i ia o Isara, o le atali‘i ia o Koato, o le atali‘i ia o Levi, o le atali‘i ia o Isaraelu.
39. O lona uso fo‘i o Asafo, o lē na tu i lona itū taumatau, o Asafo, o le atali‘i ia o Perekia, o le atali‘i ia o Samea,
40. o le atali‘i ia o Mekaeli, o le atali‘i ia o Paaseia, o le atali‘i ia o Malakia,
41. o le atali‘i ia o Etini, o le atali‘i ia o Sera, o le atali‘i ia o Ataia,
42. o le atali‘i ia o Etano, o le atali‘i ia o Sema, o le atali‘i ia o Semi,
43. o le atali‘i o Iakata, o le atali‘i o Keresona, o le atali‘i o Levi.
44. O latou uso fo‘i o le fānauga a Merari na tutū i latou i le itū tauagavale; o Etano le atali‘i o Kisi, o le atali‘i ia o Opeti, o le atali‘i ia o Maluka,
45. o le atali‘i ia o Hasapea, o le atali‘i ia o Amasia, o le atali‘i ia o Hilikia,
46. o le atali‘i ia o Amesi, o le atali‘i ia o Pani, o le atali‘i ia o Semeri,
47. o le atali‘i ia o Maali, o le atali‘i ia o Musi, o le atali‘i ia o Merari, o le atali‘i ia o Levi.
48. O latou uso fo‘i o sa Levī na tofia i latou i galuega uma lava o le malumalu o le fale o le Atua.
49. A o Arona ma ona atali‘i na latou fai taulaga i luga o le fatafaitaulaga i taulaga mū ma luga o le fata e mū ai mea manogi, ‘ua tofia i galuega uma i le mea e sili ‘ona pa‘ia, e fai ai fo‘i le togiola mo Isaraelu, e tusa ma mea uma na poloa‘i mai ai Mose le ‘au‘auna a le Atua.
50. O le fānauga lenei a Arona; o Eleasaro lona atali‘i, o Fineaso lona atali‘i, o Apisua lona atali‘i,