16. ‘Ua fuatia le auro o laulau o le areto e laulauina i luma e fai a‘i laulau ta‘itasi; o ario e fai a‘i laulau ario;
17. o auro lelei e fai a‘i tui ma tanoa ma ipu e asu a‘i; o ipu auro fo‘i ‘ua fuatia e fai a‘i ipu ta‘itasi; o ario fo‘i ‘ua fuatia e fai a‘i ipu ta‘itasi.
18. O auro ‘ua fa‘amamāina ‘ua fuatia e fai a‘i le fata e mū ai mea manogi; o le fa‘atusa fo‘i o le nofoa fa‘ata‘avalevale o kerupi auro, e fālō o la ‘apa‘au ma fa‘amalumalu a‘i le ‘atola‘au o le feagaiga a le ALI‘I.
19. ‘Ua fa‘apea atu Tavita, “O mea uma ia na fa‘aalia mai i le tusi mai le ‘a‘ao o le ALI‘I na ‘iā te a‘u, o galuega uma o i lenei fa‘atusa.”
20. ‘Ua fai atu fo‘i Tavita ‘iā Solomona lona atali‘i, “‘Ia fa‘amalosi ma loto tele ma ‘ia faia lenei mea; ‘aua le fefe, ‘aua le mata‘u; auā o le ALI‘I le Atua, o lo‘u Atua e ‘iā te oe o ia, na te lē tu‘ua oe, na te lē lafoa‘i fo‘i ‘iā te oe, se‘ia fa‘ai‘uina le faiga o le galuega uma o le fale o le ALI‘I.