1. ‘Ua filifili Tavita ma ali‘i o ta‘ito‘aafe ma ta‘ito‘aselau ma ta‘ita‘i sili uma.
2. ‘Ua fai atu fo‘i Tavita i le fa‘apotopotoga uma o Isaraelu, “‘Āfai e tatau ‘iā te ‘outou na ma ‘ua finagalo i ai le ALI‘I lo tatou Atua, ‘ia tatou feausoloina atu o tatou uso o totoe i nu‘u uma o Isaraelu, o le ‘au ositaulaga ma sa Levī fa‘atasi ma i latou ‘iā latou ‘a‘ai ma tuāfanua, ‘ia fa‘apotopoto mai ‘iā te i tatou;
3. ‘ia tatou ‘aumaia le ‘atola‘au a lo tatou Atua ‘iā te i tatou; auā na tatou le sā‘ili atu i ai i ona po o Saulo.”
4. ‘Ona tali mai ai lea o le fa‘apotopotoga uma: ‘Ia tatou faia o lea; auā sa lelei lea mea i le manatu o le nu‘u uma.
5. ‘Ona fa‘apotopotoina lea e Tavita o Isaraelu uma, e āfua mai i Seora i Aikupito e o‘o atu i le mea e ui atu ai i Amato, e ‘aumai ai le ‘atola‘au a le Atua mai Kiriata-iarima.