48. ‘Ua oti Samelu, ‘ona soloa‘i ane lea o Saulo o le Reopo i tala ane o le vaitafe e fai ma tupu.
49. ‘Ua oti Saulo, ‘ona soloa‘i ane lea o Paalaanana le atali‘i o Akapora e fai ma tupu.
50. ‘Ua oti Paalaanana, ‘ona soloa‘i ane lea o Atata e fai ma tupu; o le igoa fo‘i o lana ‘a‘ai o Pagi; a o le igoa o lana avā o Meatapala le tama fafine a Matarata, le tama fafine ia o Maisaava.
51. ‘Ua oti fo‘i Atata. ‘Ona fai ai lea o matai o Etoma; o le matai o Timena, o le matai o Aleva, o le matai o Ieteta,
52. o le matai o Alipama, o le matai o Ele, o le matai o Pinona,
53. o le matai o Kinasa, o le matai o Timanu, o le matai o Mepesara,
54. o le matai o Maketialu, o le matai o Irama. O i latou ia o matai o Etoma.