41. o le atali‘i o Ena; o Tisono. O atali‘i fo‘i o Tisono; o Amarana ma Esepana ma Itirana ma Karana.
42. O atali‘i o Eseri; o Pileana ma Savana ma Akana. O atali‘i o Tisano; o Usa ma Arana.
43. O i latou nei o tupu sa tupu ai i le nu‘u o Etoma, a o leai se tupu i le fānauga a Isaraelu; o Pala le atali‘i o Peora; o le igoa o lana ‘a‘ai o Tineava.
44. ‘Ua oti Pala, ‘ona soloa‘i ane lea o Iopapa le atali‘i o Sera o le Posara e fai ma tupu.
45. ‘Ua oti Iopapa, ‘ona soloa‘i ane lea o Kusamu mai le nu‘u o sa Timanū e fai ma tupu.
46. ‘Ua oti Kusamu, ‘ona soloa‘i ane lea o Atata le atali‘i o Petata e fai ma tupu; o ia na fasi ‘iā Mitiana i le nu‘u o Moapi; o le igoa o lana ‘a‘ai o Avita.
47. ‘Ua oti Atata, ‘ona soloa‘i ane lea o Samelu o le Maseraka e fai ma tupu.
48. ‘Ua oti Samelu, ‘ona soloa‘i ane lea o Saulo o le Reopo i tala ane o le vaitafe e fai ma tupu.