41. O le tausaga e tasi le selau ma le fitugafulu na ‘ave‘esea ai ‘iā Isaraelu le amo a nu‘u ‘ese.
42. Ma ‘ua āfua ai ‘ona tusia e le nu‘u o Isaraelu i tusiga ma feagaiga fa‘alemālō, “O le ulua‘i tausaga o le pule a Simona, le ositaulaga sili, le ta‘ita‘i sili ma le ta‘imua o tagata Iutaia.”
43. O ona po ia na fa‘asaga atu ai o Simona i le ‘a‘ai o Kasa ma ‘ua vagaia e lana itūtau‘a; ‘ua na faia ni ‘olo fa‘ata‘avalevale e oso atu a‘i i le ‘a‘ai ma ‘ua na tu‘ia le tasi ‘olo o le ‘a‘ai ma ‘ua na maua.
44. Ma ‘ua feosofi ai i totonu o le ‘a‘ai i latou sa i le ‘olo fa‘ata‘avalevale ma ‘ua matuā tetemū ai tagata o le ‘a‘ai.