1. ‘Ua o‘o atu fo‘i i le aso Penetekoso, sa i ai i latou uma lava i le mea e tasi ma le loto gatasi.
2. ‘Ona fa‘afuase‘i mai lea o le ta‘alili mai le lagi, peiseaī o le matagi ‘ua agi tele mai, ‘ua tumu uma ai le fale sa latou nonofo ai.
3. ‘Ua iloa fo‘i e i latou o laulaufaiva peiseaī o le afi ‘ua vaevaeina, ‘ua nofo i o latou luga ta‘ito‘atasi.
4. ‘Ua fa‘atūtūmuina fo‘i i latou uma i le Agaga Pa‘ia, ‘ua āfua ai ‘ona tautatala i gagana ‘ese‘ese, pei ‘ona foa‘iina mai e le Agaga o le gagana ‘iā te i latou.