18. ‘Ua nofo pea Paulo i aso e tele, ‘ona fa‘amāvae atu lea o ia i le ‘au uso, ‘ua latou folau atu i Suria, o i latou ma Pisila ma Akula; ‘ua na sele mamā lona lauulu i Kenikerea; auā ‘ua na fai lana tautoga.
19. ‘Ua o‘o i gātai o Efeso, ‘ona tu‘ua lea e ia o i lā‘ua i lea mea; a ‘ua ulufale o ia i le sunako, ma felafolafoa‘i ma Iutaia.
20. ‘Ua ‘ai‘oi i latou ‘iā te ia ‘ia toe nofo i nai ona aso ma i latou; ‘ua lē mafai o ia.
21. A ‘ua fa‘amāvae o ia ‘iā te i latou, ‘ua fa‘apea atu, “‘Ou te toe fo‘i mai ‘iā te ‘outou, pe ā finagalo i ai le Atua.” ‘Ona tu‘uva‘a atu lea o ia i Efeso.