6. o lo‘o nonofo o ia ma le tasi Simona o le fai pa‘u o manu, e latalata i le sami lona fale; o ia na te ta‘u atu ‘iā te oe mea e tusa ‘ona e faia.”
7. ‘Ua alu le agelu sa tautala ma Konelio, ‘ona vala‘au lea o ia i ana ‘au‘auna e to‘alua ma le tagata tau e amio Atua o le tasi o i latou e lē te‘a ‘iā te ia;
8. ‘ua ia fa‘amatala ‘iā te i latou mea uma, ‘ona ‘a‘au atu lea o ia ‘iā te i latou i Iopa.
9. O le taeao, a o i le ala i latou ma na latalata i le ‘a‘ai, ‘ua alu a‘e ai Peteru i luga o le fale e tatalo i le itūlā po ‘ua tutonu le lā.
10. ‘Ua matelaina o ia, ‘ua manatu e ‘ai; o latou o sauni, ‘ua o‘o ‘iā te ia le fa‘aaliga;
11. ‘ua va‘ai atu i le lagi ‘ua avanoa, ma le tasi mea ‘ua alu ifo ‘iā te ia, pei se ‘ie lautele, ‘ua noatia i ona pito e fa, ma tu‘utu‘u ifo i le lalolagi;
12. na i ai manu vaefā uma lava e tata‘a, ma manu fe‘ai, ma mea fetolofi, ma manu felelei.