20. ‘ua fa‘apea mai, “Tula‘i ia, ‘inā ‘ave le tamaitiiti ma lona tinā, ‘inā ō atu ia i le nu‘u o Isaraelu; auā ‘ua oti ē na sā‘ilia le tamaitiiti e fasioti.”
21. ‘Ona tula‘i ai lea o Iosefa ‘ua ‘ave le tamaitiiti ma lona tinā, ‘ona ō ai lea i le nu‘u o Isaraelu.
22. A ‘ua fa‘alogo o ia ‘ua fai ma tupu i Iutaia o Arekilao o le sui o Herota lona tamā, ‘ona fefe ai lea i alu i ai. ‘Ae peita‘i ‘ua fa‘ailoa ‘iā te ia i le miti, ‘ona alu ai lea o ia i le nu‘u o Kalilaia.
23. ‘Ua o‘o fo‘i i le tasi ‘a‘ai e igoa o Nasareta, ‘ua nofo ai; ‘ina ‘ia taunu‘u ai le ‘upu a le ‘au perofeta, “E igoa o ia o le Nasareta.”#