25. ‘Ua maliu atu Iesu ‘iā te i latou i le leoleoga e fa o le po, ‘ua savali i luga o le vai.
26. ‘Ua iloa mai e le ‘au so‘o o ia ‘ua savali i luga o le vai, ‘ona latou atuatuvale ai lea, ‘ua fa‘apea ane, “O le aitu;” ‘ona latou uiō lea i le matata‘u.
27. ‘Ona fetalai atu loa lea o Iesu ‘iā te i latou ‘ua fa‘apea atu, “‘Ia ‘outou loto tetele; o a‘u lava, ‘aua tou te matata‘u.”
28. ‘Ua tali mai Peteru ‘iā te ia, ‘ua fa‘apea mai, “Le Ali‘i e, ‘āfai o oe, ‘ia e fetalai mai ‘iā te a‘u, ‘ou te alu atu ‘iā te oe i luga o le vai.”
29. ‘Ona fetalai atu lea o ia, “‘Inā sau ia.” ‘Ona alu ifo ai lea o Peteru mai le va‘a, ‘ua savali i luga o le vai e alu ‘iā Iesu.
30. ‘Ua va‘ai o ia i le matagi ‘ua tetele, ‘ona fefe ai lea; ‘ona āfua ai lea ‘ona goto, ‘ua ‘alaga mai, ‘ua fa‘apea mai, “Le Ali‘i e, ‘ia e fa‘aola mai ‘iā te a‘u.”