15. ‘ina ‘ia tu‘uina atu fo‘i le pule ‘iā te i latou, latou te fa‘amālōlō ai ma‘i ma tutuli ai temoni.
16. ‘Ua ia tofia le to‘atinoagafulu ma le to‘alua; o Simona lē na ia fa‘aigoa ‘iā Peteru;
17. ma Iakopo le atali‘i o Sepetaio, ma Ioane le uso o Iakopo; ‘ua ia fa‘aigoa fo‘i ‘iā te i lā‘ua o Poaneki, o lona uiga, o tagata faititili;
18. ma Aneterea ma Filipo ma Patolomaio ma Mataio ma Toma ma Iakopo le atali‘i o Alefaio ma Tataio ma Simona o le Kanana,
19. ma Iuta le Sekara, o lē na fa‘alataina o ia.
20. ‘Ua ō atu i latou i le fale; ‘ona toe potopoto mai ai lea o le motu o tagata ‘ua lē mafai ai i latou ‘ona ‘a‘ai.
21. ‘Ua fa‘alogo ai lona ‘āiga, ‘ona latou ō atu ai lea e pu‘e ‘iā te ia; auā na latou fa‘apea ane, “‘Ua valea o ia.”