4. “‘Ou te fai atu ‘iā te ‘outou a‘u uō e, ‘aua tou te matata‘u ‘iā te i latou o ē fasioti le tino; a mavae lea, ‘ua leai se toe mea latou te mafaia.
5. ‘Ae ‘ou te fa‘asino atu ‘iā te ‘outou i lē tou te matata‘u i ai; ‘ia ‘outou matata‘u i le Atua, a mavae ‘ona fasioti e ia, e ana le pule e lafo atu i Kēna; e moni, ‘ou te fai atu ‘iā te ‘outou, ‘ia ‘outou matata‘u ‘iā te ia.
6. E lē fa‘ataulia ‘ea manu iti e lima i asari e lua? E leai fo‘i so latou e tasi ‘ua galo i luma o le Atua.
7. A o ‘outou lauulu lava ‘ua faitaulia uma ia, ‘aua tou te matata‘u, ‘ua sili ‘outou i manu iti e tele.