5. ‘Ia sāvavali ma le poto i ē o i tua, ma fa‘aaogāina e ‘outou aso o lenei olaga.
6. ‘Ia lē aunoa a ‘outou ‘upu ma le alofa, ‘ia fa‘amāi i le masima, ‘ia iloa e ‘outou ‘ona fai fa‘atatau se tali i tagata e ta‘ito‘atasi uma.
7. O mea uma lava o ‘iā te a‘u e fa‘ailoa atu ‘iā te ‘outou e Tuiko, o le uso pele ia ma le ‘au‘auna fa‘amaoni, ma lē na mā ‘au‘auna fa‘atasi i le Ali‘i.
8. ‘Ua ‘ou ‘auina atu o ia ‘iā te ‘outou ‘ona o lenei lava mea, ‘ina ‘ia iloa e ia o mea o i ai ‘iā te ‘outou ma ‘ia fa‘amafanafana atu e ia i o ‘outou loto,
9. lā te ō ma Onesemo, o le uso fa‘amaoni lea ma le pele, o lo ‘outou fo‘i ia. La te fa‘ailoa atu ‘iā te ‘outou o mea uma o faia ‘i‘inei.
10. O lo‘o alofa atu ‘iā te ‘outou o Aritako, o lē ‘ua ma fa‘atasi ma a‘u i le fale puipui, ‘atoa ma Mareko, o le ‘āiga ia o Panapa, (na poloa‘iina ‘outou ‘iā te ia, a alu atu o ia ‘iā te ‘outou, ‘ia ‘outou talia o ia.)
11. O lo‘o alofa atu fo‘i Iesu, o lē ‘ua igoa ‘iā Iuso. Na o i latou ia o le ‘au peritomeina na latou galulue fa‘atasi ma a‘u i le mālō o le Atua, na fai fo‘i i latou ma fa‘amatalaloto mai ‘iā te a‘u.
12. O lo‘o alofa atu ‘iā te ‘outou o Epafara o lo ‘outou lava o ia, o le ‘au‘auna a Keriso Iesu, o lo‘o finafinau e lē aunoa i tatalo mo ‘outou ‘ina ‘ia ‘outou tumau ‘ua tagata matua, ma ‘ua mautinoa le finagalo uma lava o le Atua.
13. Auā o la‘u mau ‘iā te ia, ‘ua tele lava lona mā‘elegā mo ‘outou, ‘atoa ma i latou o i Laotikaia, ma i latou o i Iarapoli.
14. O lo‘o alofa atu ‘iā te ‘outou o Luka le foma‘i pele, ‘atoa ma Tema.
15. ‘Ua ‘ou alofa atu i le ‘au uso i Laotikaia o Numefa fo‘i, ‘atoa ma le ekalesia o i lona fale.
16. Pe a uma ‘ona faitau e ‘outou o lenei tusi, ‘ia faitauina fo‘i e le ekalesia i Laotikaia, ‘ia ‘outou faitau fo‘i le tusi mai Laotikaia.
17. Fai atu fo‘i ‘iā Arekipa, “‘Ia oe i le faiva na tu‘uina atu ‘iā te oe i le Ali‘i, ‘ina ‘ia e fa‘ataunu‘uina.”
18. O le alofa atu lenei o a‘u o Paulo i lo‘u lava lima.‘Ia ‘outou manatua mai ‘ou noanoaga. ‘Ia ‘iā te ‘outou le alofa tunoa. #