1. O ‘outou ali‘i, ‘ia ‘outou avatu mea e tatau ma mea e tusa ‘iā ‘outou pologa, auā ‘ua ‘outou iloa o ‘iā te ‘outou fo‘i le Ali‘i i le lagi.
2. ‘Ia ‘outou finafinau i le tatalo, ‘ia mataala i lea mea ma le fa‘afetai.
3. ‘Inā tatalo ia mo i matou fo‘i, ‘ina ‘ia fa‘aavanoa mai e le Atua se faitoto‘a o le ‘upu mo i matou, e tautala atu ai i le mea lilo e uiga ‘iā Keriso, ‘ona o lea fo‘i ‘ua noanoatia ai a‘u.
4. ‘Ina ‘ia ‘ou fa‘ailoa atu ai, fa‘apei ‘ona tatau ‘ona ‘ou tautala atu ai.
5. ‘Ia sāvavali ma le poto i ē o i tua, ma fa‘aaogāina e ‘outou aso o lenei olaga.
6. ‘Ia lē aunoa a ‘outou ‘upu ma le alofa, ‘ia fa‘amāi i le masima, ‘ia iloa e ‘outou ‘ona fai fa‘atatau se tali i tagata e ta‘ito‘atasi uma.
7. O mea uma lava o ‘iā te a‘u e fa‘ailoa atu ‘iā te ‘outou e Tuiko, o le uso pele ia ma le ‘au‘auna fa‘amaoni, ma lē na mā ‘au‘auna fa‘atasi i le Ali‘i.
8. ‘Ua ‘ou ‘auina atu o ia ‘iā te ‘outou ‘ona o lenei lava mea, ‘ina ‘ia iloa e ia o mea o i ai ‘iā te ‘outou ma ‘ia fa‘amafanafana atu e ia i o ‘outou loto,