3. Auā pe a manatu se tasi o le tagata aogā ia, ‘ae leai, ‘ua pelogia o ia e ia i lona manatu.
4. A ‘ia ta‘ito‘atasi ma fa‘amasino i lana lava galuega, ‘ona ‘iā te ia lea o se mea e mitamita ai ‘iā te ia lava, ‘ae lē o se tasi.
5. Auā e ta‘itasi ma ‘ave i lana lava avega.
6. A o lē ‘ua a‘oa‘oina i le ‘upu, ‘ia tufa atu e ia mea lelei uma lava i lē ‘ua a‘oa‘o mai.
7. ‘Aua ne‘i fa‘asesēina ‘outou, e lē ulagia le Atua auā o le mea e lūlūina e le tagata, o le mea lava lea e seleseleina mai ai e ia.
8. O sē lūlū i la lona tino, e selesele mai ai o ia i la le tino le mea e pala; a o sē lūlū i la le Agaga, e selesele mai ai e ia i la le Agaga le ola fa‘avavau.
9. ‘Aua ne‘i tatou fa‘apalapala i le amio lelei; auā o ona po e tatau ai tatou te selesele mai ai, pe ‘āfai tatou te lē fa‘avaivai.
10. O lenei, ‘ia tatou agalelei, ‘ia fa‘atatau i mea e tutupu i lea aso ma lea aso, i tagata uma lava, ‘ae maise i le ‘āiga o le fa‘atuatua.
11. Fa‘auta i le tetele o mata‘itusi ‘ua ‘ou tusi atu ‘iā te ‘outou i lo‘u lava lima.
12. O i latou uma o ē fia ta‘uleleia e tagata, latou te fa‘atauānau ‘ia peritomeina ‘outou, ‘ua na o lea, ‘ina ne‘i fa‘asauāina i latou ‘ona o le satauro o Keriso.
13. Auā fo‘i o i latou o ē ‘ua peritomeina, latou te lē ‘ana‘ana i le tulafono; ‘ae peita‘i latou te loto ‘ina ‘ia peritomeina ‘outou, ‘ina ‘ia latou mitamita ai i o ‘outou tino.