1. ‘Ou te fai atu fo‘i, o aso uma o itiiti ai le suli, e ui lava o ia e ana mea uma, e leai se mea e ‘ese ai o ia ma le pologa.
2. ‘Ae pule ‘iā te ia fa‘atamā ma ‘au‘auna e pule, se‘ia o‘o atu i ona po na tu‘upoina e le tamā.
3. Sa fa‘apea fo‘i i tatou ‘ina o tama iti, sa nofo pologa i tatou i matā‘upu muamua a le lalolagi.
4. A ‘ua o‘o atu i le fa‘a‘atoaga o tausaga, ‘ona ‘auina mai lea e le Atua o lona Alo, ma fānau i le fafine, na fānau ‘ua nofo i le tulafono;
5. ‘ina ‘ia fa‘atau mai e ia ē na nofo i le tulafono, ia ‘avea i tatou ma atali‘i.
6. O atali‘i ‘outou, o le mea lea ‘ua ‘auina mai ai e le Atua le Agaga o lona Alo i o ‘outou loto, e vala‘au. “Ava, Le Tamā e.”
7. O lea ‘ua lē toe fai oe ma pologa, a o le atali‘i; ‘ae ‘āfai o le atali‘i, o le suli fo‘i ‘ona o le Atua.
8. E moni, o ia ona pō ‘ua lē iloa ai e ‘outou le Atua na fai ai ‘outou ma pologa i mea e lē ni atua;
9. a o nei ona pō ‘ina ‘ua ‘outou iloa le Atua, pe sili pe a fa‘apea ‘ina ‘ua iloa lava ‘outou e le Atua, pe fa‘apefea ‘ona ‘outou toe liliu i matā‘upu muamua e vaivai ma fa‘atauva‘a, ‘ua ‘outou toe manana‘o ‘ea ia ‘outou toe nofo pologa i ai?
10. Tou te ‘ana‘ana i aso, ma masina, ma tau, ma tausaga.