9. O le agasala, auā ‘ua lē fa‘atuatua ‘iā te a‘u;
10. o lē amiotonu, auā ‘ou te alu atu i lo‘u Tamā, tou te lē toe va‘ai mai fo‘i ‘iā te a‘u;
11. o le fa‘amasinoga, auā ‘ua fa‘amasinoina le ali‘i o le lalolagi nei.
12. “‘Ua totoe ‘iā te a‘u mea e tele e fai atu ai ‘iā te ‘outou, ‘ae tou te lē mafaia ‘ona talia i nei ona po.
13. ‘Ae a maliu mai o ia, o le Agaga lea e tupu mai ai le ‘upu moni, e ta‘ita‘i e ia ‘iā te ‘outou i ‘upu moni uma; auā e lē tautala fua o ia na o ia, a o mea uma e fa‘alogo i ai o ia, e tautala ai lava, ma fa‘ailoa mai ‘iā te ‘outou mea e o‘o mai.