12. ‘Ou te fa‘afo‘i atu ‘iā te ia; ‘inā e talia mai o ia, o lo‘u lava tino ia.
13. Na ‘ou loto ‘ina ‘ia tāofi pea ‘iā te ia ma te nonofo ma a‘u, ‘ina ‘ia fai mou sui, na te ‘au‘auna mai ‘iā te a‘u i ‘ou noanoataga ‘ona o le tala lelei.
14. A ‘ou te lē fia faia se mea e tasi pe a le tō mai sau pule, ‘ina ne‘i pei o se mea ‘ua fa‘atauānauina lou agalelei mai, a ‘ia faia ma le loto.
15. Auā atonu o le mea lea na te‘a ‘ese ai o ia i sina itū aso, ‘ina ‘ia e toe maua o ia e fa‘avavau;
16. e lē toe fa‘apei o se pologa, ‘ae sili i le pologa, o le uso pele ia ‘iā te a‘u lava; e lē sili ‘ea ‘ona fa‘apea ‘iā te oe i la le tino ‘atoa ma la le Ali‘i.
17. O lenei ‘āfai ‘e te manatu i la tā uō, ‘ia e talia mai o ia e pei o a‘u lava.
18. ‘Ae ‘āfai na ia agaleaga ‘iā te oe, po ‘ua ‘iā te ia sau mea, ‘ia e tu‘u mai lea mea ‘iā te a‘u.
19. O a‘u o Paulo, ‘ua ‘ou tusi atu i lo‘u lava lima, ‘ou te taui atu lava; ‘ae ‘ou te lē fai atu, i la oe ‘aitalafu ‘iā te a‘u, o oe lava lea.
20. E moni, lo‘u uso e, se‘i ē fa‘afiafia mai ‘iā te a‘u i le Ali‘i, ‘inā fa‘amafanafana mai ia i lo‘u loto i le Ali‘i.
21. ‘Ua ‘ou tusi atu ‘iā te oe, auā ‘ou te fa‘atuatua i lou gaua‘i mai, ‘ua ‘ou iloa ‘e te faia mea e sili lava i mea ‘ou te fai atu ai.
22. Tasi fo‘i lea mea, ‘ia e sauni se mea ‘ou te nofo ai; auā ‘ou te fa‘amoemoe e tu‘uina atu a‘u ‘iā te ‘outou, ‘ona o a ‘outou tatalo.
23. O lo‘o alofa atu ‘iā te oe o Epafara, o lo‘o noanoatia fa‘atasi ma a‘u ‘ona o Keriso Iesu.
24. O lo‘o alolofa atu fo‘i Mareko, ma Aritako, ma Tema, ma Luka, ē ‘ua galulue fa‘atasi ma a‘u.
25. ‘Ia i o ‘outou agaga le alofa tunoa o lo tatou Ali‘i o Iesu Keriso.