16. “O a‘u o Iesu na ‘ou ‘auina atu la‘u agelu e molimau ‘iā te ‘outou i ia mea i ekalesia. O a‘u o le A‘a ma le fānau a Tavita, o le fetū ao pupula.”
17. ‘Ua fetalai mai le Agaga ma le fa‘ato‘ānofotane, “‘Inā sau ia.”‘Inā fai atu fo‘i ia o lē fa‘alogo, “‘Inā sau ia.”O lē fia inu, ‘inā sau ia, ‘atoa ma lē mana‘o i ai, ‘inā ‘ave fua ia le vai o le ola.
18. Auā ‘ou te ta‘utino atu ‘iā i latou uma o ē fa‘alogo i ‘upu o le valo‘aga o lenei tusi, ‘Ai se tasi e fa‘aopoopo mai se ‘upu i nei ‘upu, e fa‘aopoopoina atu e le Atua ‘iā te ia o mala ‘ua tusia i lenei tusi.
19. ‘Ai se tasi fo‘i e ‘ave ‘ese se ‘upu i ‘upu o le tusi o lenei valo‘aga, e ‘ave‘eseina e le Atua lona tofi i le la‘au o le ola, ma le ‘a‘ai pa‘ia, o mea ia ‘ua fa‘amatalaina i lenei tusi.
20. ‘Ua fai mai lē molimau i nei mea, “E moni, ‘ou te vave alu atu.” Amene.O lea lava le Ali‘i e Iesu, ‘ia e afio mai.