11. A ‘ua latou manumālō ‘iā te ia ‘ona o le toto o le Tama‘i Mamoe, ma le ‘upu a la latou mau, ‘ua latou lē fa‘apelepeleina fo‘i lo latou ola ‘ua o‘o i le oti.
12. O le mea lea ‘ia ‘outou ‘oli‘oli ai, le lagi e ‘atoa ma ē ‘ua nonofo ai. ‘Oi talofa ‘iā te ‘oulua le fanua ma le sami, auā ‘ua alu ifo ‘iā te ‘oulua le tiapolo ‘ua lotoa tele, auā ‘ua na iloa ‘ua sa‘asa‘a ona pō.”
13. ‘Ua iloa e le tarako ‘ua lafo ifo o ia i le lalolagi, ‘ona tuliloa lea o ia i le fafine na na fānaua le tama tane.
14. ‘Ona foa‘iina atu lea i le fafine ‘apa‘au e lua o le aeto tele, ‘ina ‘ia lele ai o ia a‘i luma o le gata i le vao i le mea e nofo ai o ia, e fafagaina ai o ia i le tausaga, ma tausaga, ma lona vaeluagalemū o le tausaga.
15. ‘Ona luai atu lea e le gata le vai, e pei o se vaitafe nai lona gutu i tua o le fafine, ‘ina ‘ia tafea o ia i le vai.
16. ‘Ona fesoasoani ai lea o le fanua i le fafine, ‘ua fa‘amaga a‘e fo‘i e le fanua lona gutu, ma ‘ua inu i le vaitafe ‘ua luai atu e le tarako nai lona gutu.
17. ‘Ua ita fo‘i le tarako i le fafine, ‘ona alu atu ai lea o ia e tau le tau‘a ma i latou ‘ua totoe o lana fānau, o ē ‘ua tausi i poloa‘iga a le Atua, ma ‘ua tāofi le mau ‘iā Iesu Keriso.
18. A ‘ua tu o ia i le oneone i le matāfaga.