1. Na a‘u iloa atu fo‘i le tasi agelu malosi ‘ua alu ifo mai le lagi, ‘ua ‘ofu i le ao, ‘ua i lona ulu le nuanua, o ona fofoga fo‘i e pei o le lā, o ona vae fo‘i e pei o poutū afi.
2. ‘Ua i lona lima fo‘i le tusi ta‘ai itiiti ‘ua fofola; ‘ua tu lona vae taumatau i le sami, ma lona vae tauagavale i le fanua.
3. ‘Ua ‘alaga fo‘i ia ma le leo tele, e pei o le leona pe a tagi; ‘ua ‘alaga ia, ‘ona fegānavai mai ai lea o faititili e fitu i o latou lava leo.
4. ‘Ua fegānavai mai faititili e fitu, na fai a a‘u tusia; ‘ona ‘ou fa‘alogo ai lea i le leo mai le lagi, ‘ua fa‘apea mai ‘iā te a‘u, “‘Inā fa‘amaufa‘ailogaina ia o nā mea na fegānavai mai ai o faititili e fitu, ‘aua ne‘i e tusia na mea.”
5. O le agelu fo‘i na iloa e a‘u, ‘ua tu i le sami ma le fanua, ‘ua si‘i a‘e e ia lona lima i le lagi,
6. ma ‘ua tautō i lē o soifua e fa‘avavau fa‘avavau lava, o lē na faia le lagi ma mea o i ai, ma le fanua ma mea o i ai, ma le sami ma mea o i ai. “E lē toe ai ni aso,