19. Auā na lē fa‘a‘ato‘atoaina se mea e tasi i le tulafono, a ‘ua sui mai le fa‘amoemoega e sili ‘ona lelei, ‘ua tatou fa‘alatalata atu ai i le Atua.
20. Pei ‘ona sili fo‘i o lē ‘ua i ai le tautoga;
21. auā ‘ua faia i latou ma ositaulaga ‘ae leai se tautō; peita‘i ane o ia na faia ma le tautō e lē na fetalai atu ‘iā te ia. “‘Ua tautō le Ali‘i;e lē salamō ai lava ia.‘O le ositaulaga oe e fa‘avavau.’”
22. O fa‘apea fo‘i ‘ona faia o Iesu na fa‘amaoniga o le feagaiga e sili ‘ona lelei.
23. E to‘atele fo‘i i latou sa fai ma ositaulaga, auā na lē mafai ‘ona tumau o i latou ‘ona o le oti.
24. Peita‘i o ia ‘ua tumau e fa‘avavau, o le mea lea ‘ua i ai ‘iā te ia le faiva o ositaulaga e tumau pea.
25. O le mea fo‘i lea e mafai ai ‘iā te ia ‘ona fa‘aola pea lava, i ē fa‘alatalata atu i le Atua ‘ona o ia, auā o lo‘o soifua pea ia e fautua mo i latou.