12. ‘ina ‘ia lē paiē, a ‘ia fa‘aa‘oa‘o i ē na maua i le fa‘atuatua ma le ‘onosa‘i mea na folafolaina.
13. Auā a o folafola mai e le Atua ‘iā Aperaamo, ‘ua lē mafaia ‘ona tautō ia i se tasi e sili ‘iā te ia, o lea na tautō ai o ia ‘iā te ia lava.
14. ‘Ua fa‘apea mai, “E moni lava, ‘ou te matuā fa‘amanuia ‘iā te oe, ma ‘ou matuā fa‘ato‘ateleina lau fānau.”
15. Na ‘onosa‘i lava o ia, ‘ona maua lea e ia o le mea na folafolaina.
16. Auā e tautō tagata i se tasi e sili, o lē tautō fo‘i e fa‘amaoni ai, o le i‘uga lea o fefinaua‘iga uma ‘iā i latou.
17. E fa‘apea fo‘i le Atua, ‘ina ‘ua finagalo ai o ia e fa‘ailoa atili ai i ē ‘ua tofia i mea na folafolaina, o lana lava pule e lē mafaia ‘ona liua na ia fa‘aopoopo i ai le tautō,
18. ‘Ina ‘ia ‘iā i tatou o mea e lua e lē mafai ‘ona liua, e lē mafai ‘ona pepelo ai le Atua, tatou te maua ai le fa‘amafanafanaga tele, o i tatou o ē ‘ua sōsōla e tago atu i le fa‘amoemoega ‘ua tu‘u i o tatou luma.
19. ‘Ua ‘iā i tatou lenā fa‘amoemoega, pei se taula o le agaga, e lē mātosina ma ‘ua mausalī, e o‘o fo‘i i totonu i tala atu o le ‘ie puipui.
20. O le mea ‘ua afio atu ai Iesu, o lē ‘ua muamua atu mo i tatou ‘ua fai o ia ma ositaulaga sili e fa‘avavau, e uiga fa‘atasi ma Mekisateko.