1. O a‘u le toeaina:O la‘u tusi lenei ‘iā Kaio, o le pele, o lē ‘ou te alofa fa‘amaoni i ai.
2. Le pele e, ‘ia e manuia i mea uma, ma ‘ia e mālōlō, fa‘apei ‘ona manuia o lou agaga.
3. Auā ‘ua tele lava lo‘u fiafia ‘ina ‘ua ō mai le ‘au uso, ma fa‘ailoa mai lou fa‘amaoni, ‘ina ‘ua e savali i le ‘upu moni.
4. E leai so‘u fiafia e sili i lenei, pe ā ‘ou fa‘alogo ‘ua sāvavali la‘u fānau i le ‘upu moni.
5. Le pele e, na e fa‘amaoni lava i mea uma o faia e oe i le ‘au uso ‘ae maise tagata ‘ese,
6. o ē ‘ua fa‘ailoa mai lou alofa i luma o le ekalesia; ‘āfai ‘e te fesoasoani i lo latou moliga e tusa i le Atua, e lelei lau mea e fai.