10. ma mea fa‘asesē uma o le amio leaga i ē a fano; auā ‘ua latou lē talia le ‘upu moni ma le fiafia i ai, ‘ina ‘ia fa‘aolaina ai i latou.
11. O le mea, fo‘i lea e ‘auina atu ai e le Atua ‘iā te i latou le galuega e fa‘asesē ai, ‘ina ‘ia latou talia le mea pepelo,
12. ‘ina ‘ia fa‘asalaina o i latou uma lava o ē lē talia le ‘upu moni, ‘ae fiafia i le amioleaga.
13. A o i matou e tatau ‘ona matou fa‘afetai i le Atua e lē aunoa ‘ona o ‘outou, le ‘au uso e, ē ‘ua alofagia e le Ali‘i, auā na filifili le Atua ‘iā te ‘outou nai le amataga ‘ia fa‘aolaina i le fa‘apa‘iaina e le Agaga, ma le fa‘atuatua i le ‘upu moni.
14. O lenā le mea na vala‘auina ai ‘outou e ia i la matou tala lelei, ‘ina ‘ia maua le manuia o lo tatou Ali‘i o Iesu Keriso.
15. O lenei le ‘au uso e, ‘ia ‘outou tumau ai, ‘ina ‘ia tāofi mau le ‘uputu‘u na a‘oa‘oina ai ‘outou i la matou ‘upu po o la matou tusi.