Feagaiga Tuai

Feagaiga Fou

2 Peteru 2:15-22 O LE TUSI PA'IA - Ekalesia Katoliko Roma (RSCB)

15. ‘Ua tu‘ua e i latou le ala tonu, ‘ua sesē i latou, ‘ua mulimuli atu i le ala o Palaamo le atali‘i o Peoa, o lē na mana‘o i le totogi o le amioletonu.

16. A ‘ua a‘oa‘iina o ia ‘ona o lona lava solitulafono, ‘ua gagana mai i le leo o le tagata lē manu lē tautala, ‘ua na vavao atu i le valea o le perofeta.

17. O punāvai i latou e lē o i ai se vai, o ao ‘ua lelea i le afā, ‘ua tu‘u mo i latou le pogisā o le pouliuli e fa‘avavau.

18. Auā o lo‘o tautala i latou i ‘upu fa‘asausili ma le lē aogā, latou te maileia i tu‘inanau o le tino mo le fa‘amatāitu o ē na matuā sōsōla ‘ese i ē ‘ua nonofo ma le sesē.

19. ‘Ua latou folafola atu ‘iā te i latou le sa‘olotoga, a o i latou lava ‘ua fai ma pologa o le amio leaga; auā pe a to‘ilalo se tasi i se tasi, ‘ua nofo pologa o ia ‘iā te ia lava.

20. Auā ‘āfai na latou sōsōla ai mea leaga a le lalolagi ‘ina ‘ua iloa lelei o le Ali‘i o le Fa‘aola lea o Iesu Keriso, ‘ae toe fa‘alavelaveina, ma to‘ilalo i latou i nā mea, ‘ona tele ai lea o le leaga o lo latou i‘uga i lo latou amataga.

21. Auā e lelei pe a na latou lē iloa le ala o le amiotonu, ‘ae leaga ‘ina ‘ua latou iloa, ma toe liliu ‘ese i le poloa‘iga pa‘ia sa tu‘uina mai ‘iā te i latou.

22. A ‘ua taunu‘u ‘iā te i latou le ‘upu fa‘ata‘oto moni, “‘Ua toe fo‘i le ta‘ifau i lona lava pua‘iga;” i le ma lea, “O le pua‘a na fa‘atā‘eleina ‘ua toe fo‘i ia e ta‘afili i le palapala.”#

Faitau le mataupu e atoatoa 2 Peteru 2