Feagaiga Tuai

Feagaiga Fou

2 Peteru 2:10-20 O LE TUSI PA'IA - Ekalesia Katoliko Roma (RSCB)

10. ‘Ae maise lava i latou o ē mulimuli atu i la le tino i le tu‘inanau i le fia ulavale, ma latou ta‘ufa‘atauva‘a i le pule.‘Ua fa‘amalosi, ‘ua fīnau vale, ma ‘ua lē fefe ‘ona ‘upu leaga i ē ‘ua mamalu.

11. A o agelu e sili ‘ona malosi ma le mana, e lē molimau lava sē ‘upu leaga e fa‘asala ai ‘iā te i latou i luma o le Ali‘i.

12. A o i latou nei, fa‘apei o mea ola e tutupu ma le lē o i ai se mafaufau, na faia ‘ina ‘ia pu‘ea ma fasimatea, latou te fāifai i mea latou te lē iloa, e fano lava i latou i lo latou lava leaga,

13. e maua e i latou le taui o le amioletonu; e fa‘apea lava i latou, o le mea e fiafia ai le amio matagā i le ao, o ila i latou ma mea e ponā ai, o lo‘o pisapisaō i o latou tu‘inanau vale, ‘ina o fai faigā‘ai i latou fa‘atasi ma ‘outou.

14. ‘Ua tūtūmu o latou mata i le fafine mulilua, e lē mafai fo‘i ‘ona mapu i le agasala, latou te maileia tagata ‘ua lē fa‘atumauina, o ‘iā te i latou le loto ‘ua masani i le matape‘ape‘a, o tagata ‘ua fa‘afanoina.

15. ‘Ua tu‘ua e i latou le ala tonu, ‘ua sesē i latou, ‘ua mulimuli atu i le ala o Palaamo le atali‘i o Peoa, o lē na mana‘o i le totogi o le amioletonu.

16. A ‘ua a‘oa‘iina o ia ‘ona o lona lava solitulafono, ‘ua gagana mai i le leo o le tagata lē manu lē tautala, ‘ua na vavao atu i le valea o le perofeta.

17. O punāvai i latou e lē o i ai se vai, o ao ‘ua lelea i le afā, ‘ua tu‘u mo i latou le pogisā o le pouliuli e fa‘avavau.

18. Auā o lo‘o tautala i latou i ‘upu fa‘asausili ma le lē aogā, latou te maileia i tu‘inanau o le tino mo le fa‘amatāitu o ē na matuā sōsōla ‘ese i ē ‘ua nonofo ma le sesē.

19. ‘Ua latou folafola atu ‘iā te i latou le sa‘olotoga, a o i latou lava ‘ua fai ma pologa o le amio leaga; auā pe a to‘ilalo se tasi i se tasi, ‘ua nofo pologa o ia ‘iā te ia lava.

20. Auā ‘āfai na latou sōsōla ai mea leaga a le lalolagi ‘ina ‘ua iloa lelei o le Ali‘i o le Fa‘aola lea o Iesu Keriso, ‘ae toe fa‘alavelaveina, ma to‘ilalo i latou i nā mea, ‘ona tele ai lea o le leaga o lo latou i‘uga i lo latou amataga.

Faitau le mataupu e atoatoa 2 Peteru 2