1. Sa i ai fo‘i i le nu‘u o perofeta pepelo, e pei ‘ona i ai ‘iā te ‘outou, o a‘oa‘o pepelo, latou te fa‘atupuina fa‘alilolilo o vaevaega e fano ai, ma latou i fa‘afiti i le Ali‘i na ia fa‘atau mai ‘iā te i latou, o i latou lava e o‘o mai ai ‘iā i latou le malaia e vave mai lava.
2. E to‘atele fo‘i latou te mulimuli atu i tu‘inanau vale o o latou tino, ‘ona o i latou e ‘upuleagaina ai le ala o le ‘upu moni.
3. O le matape‘ape‘a fo‘i ‘iā ‘outou mea ‘ua latou fa‘avalea ai ‘outou i ‘upu pepelo, e lē tuai mai ‘iā te i latou le sala na fetalai mai talu anamua, o lo latou malaia fo‘i e lē moe lea.
4. Auā ‘āfai na lē fa‘asaoina e le Atua le ‘au agelu o ē na agasala, a ‘ua na tu‘uina atu i latou i le lua o le pogisā i seoli, ‘ina ‘ia tāofia i latou e o‘o i le fa‘amasinoga;
5. e le‘i fa‘asaoina fo‘i le lalolagi tuai, na o Noa lē tala‘i le amiotonu, o lona to‘avalu lea na fa‘aolaina, ‘ina ‘ua ‘aumai le lolo i le lalolagi fa‘alēmata‘u.
6. O ‘a‘ai fo‘i o Sotoma ma Komoro ‘ua na taui atu i ai i le olopalaina, ‘ina ‘ua lelefu, ‘ua tu‘u ma fa‘ailoga i ē fa‘alēmata‘u i aso amulī.
7. Na ia lavea‘i fo‘i ‘iā Lota o le amiotonu, sa tigā i le amio fa‘amatāitu a ē fa‘alētaupulea.
8. Auā o lea tagata amiotonu, sa tigā lona loto fa‘amaoni a o nofo fa‘atasi ma i latou, i lona va‘ai atu ma fa‘alogo atu i lea aso ma lea aso ‘iā latou amio fa‘alētaupulea.