1. O le ‘upu moni lenei, ‘āfai e naunau se tasi i le faiva o le epikopō, e mana‘o o ia i le galuega lelei.
2. O lenei, e tatau i le epikopō ‘ia lē mata‘uleagaina, o lē faiavā i le fafine e to‘atasi, o lē fa‘autauta, o lē mafaufau, o lē amio mamalu, o lē alofa i tagata ‘ese, o lē na te mafaia ‘ona a‘oa‘o atu.
3. E lē se inu tele i uaina, e lē se fasi tagata, ‘ae agamalū, e lē se fai finauga, e lē se matape‘ape‘a i tupe.
4. O lē pule lelei i lona lava ‘āiga, o lo‘o ‘ua usiusita‘i mai ‘iā te ia o lana fānau ma le fa‘aaloalo lava.
5. Auā ‘āfai e lē iloa e se tasi ‘ona pule i lona lava ‘āiga, pe fa‘apefea ‘ona tausia e ia le ekalesia a le Atua?
6. E lē se fa‘ato‘ā lotu, ne‘i fa‘afefeteina lona loto, ‘ona pa‘ū lea o ia i le fa‘asala a le tiapolo.
7. E tatau ‘ona ia logoleleia o ia e i latou o i tuā, ne‘i ‘upuleagaina o ia ma pa‘ū i le mailei a le tiapolo.