1. O a‘u o Paulo na vala‘auina i le finagalo o le Atua e fai ma ‘aposetolo a Iesu Keriso, ‘atoa ma Sosene lo tatou uso.
2. I le ekalesia a le Atua o lo‘o i Korinito, o ē ‘ua fa‘apa‘iaina ‘iā Keriso Iesu, ‘ua vala‘auina e fai ma tagata pa‘ia, ‘atoa uma ma ē vala‘au atu i le suafa o lo tatou Ali‘i o Iesu Keriso i mea uma, o lo latou Ali‘i ‘atoa ma lo tatou.
3. ‘Ia ‘iā te ‘outou le alofa tunoa ma le manuia mai le Atua lo tatou Tamā ma le Ali‘i o Iesu Keriso.
4. ‘Ou te fa‘afetai atu i lo‘u Atua e lē aunoa ‘ona o ‘outou, auā o le alofa tunoa o le Atua ‘ua foa‘iina mai ‘iā te ‘outou ‘iā Keriso Iesu;
5. ‘ina ‘ua fa‘atamao‘āigaina ‘outou e ia i mea uma, i le ‘upu ma le malamalama ‘atoa.