4. Auā o i latou uma o ē fānau mai i le Atua, e manumālō i latou i le lalolagi; o lenei fo‘i le manumālō e manumālō ai i le lalolagi, o lo tatou fa‘atuatua lava.
5. O ai sē na te manumālō i le lalolagi, pe ‘āfai e lē talitonu, o Iesu o le Alo lava ia o le Atua?
6. O ia lava lenei, o lē na maliu mai ma le vai ‘atoa ma le toto, o Iesu Keriso lava; e lē na o le vai, a o le vai ‘atoa ma le toto.
7. O le Agaga fo‘i o lo‘o molimau mai, auā o le Agaga o le ‘upu moni lava ia.