Feagaiga Tuai

Feagaiga Fou

1 Ioane 1:1-8 O LE TUSI PA'IA - Ekalesia Katoliko Roma (RSCB)

1. O le mea sa ai talu le amataga, na matou fa‘alogologo i ai, na matou va‘ava‘ai atu i ai o matou mata, na matou matamata ai, na tagotago fo‘i o matou lima i le ‘Upu o le ola.

2. Na fa‘aalia mai fo‘i le ola, na matou va‘ai atu, matou te molimau fo‘i i ai, ma ‘ua matou ta‘u atu ‘iā te ‘outou le ola e fa‘avavau, o lenā sa i le Tamā, a ‘ua fa‘aalia mai ‘iā te i matou.

3. O le mea na matou va‘ava‘ai i ai ma fa‘alogologo i ai, matou te ta‘u atu ai ‘iā te ‘outou, ‘ina ‘ia ‘outou mafuta fa‘atasi ma i matou; o lo‘o matou mafuta fa‘atasi fo‘i o i le Tamā lea ‘atoa ma lona Alo o Iesu Keriso.

4. Matou te tusi atu fo‘i nei mea ‘iā te ‘outou ‘ina ‘ia ‘ato‘atoa ai lo ‘outou ‘oli‘oli.

5. O lenei fo‘i le fe‘au na matou fa‘alogologo ai mai ‘iā te ia, ‘ua matou fa‘ailoa atu ai fo‘i ‘iā te ‘outou, o le malamalama lava le Atua, ‘ae leai lava se pouliuli o ‘iā te ia.

6. ‘Āfai tatou te fai atu, ‘ua tatou mafuta fa‘atasi ma ia, ‘ae sāvavali i tatou i le pouliuli, ‘ua tatou pepelo ai, ‘ua tatou lē faia fo‘i le ‘upu moni.

7. ‘Ae ‘āfai tatou te sāvavali i le malamalama, fa‘apei ‘ona i ai o ia i le malamalama, ‘ona tatou mafuta fa‘atasi ai lea o le tasi ma le tasi, o le toto fo‘i o Iesu Keriso lona Alo e fa‘amamāina ai i tatou i agasala uma lava.

8. ‘Āfai tatou te fa‘apea, e leai sa tatou agasala, ‘ua sesē ai i tatou ia i tatou, e lē o i totonu ‘iā te i tatou le ‘upu moni.

Faitau le mataupu e atoatoa 1 Ioane 1