1. Ты убо, чадо мое, возмогай во благодати, яже о Христе Иисусе,
2. и яже слышал еси от мене многими свидетели, сия предаждь верным человеком, иже доволни будут и иных научити.
3. Ты убо злопостражди яко добр воин Иисус Христов.
4. Никтоже (бо) воин бывая обязуется куплями житейскими, да воеводе угоден будет.
5. Аще же и постраждет кто, не венчается, аще не законно мучен будет.
6. Труждающемуся делателю прежде подобает от плода вкусити.
7. Разумей, яже глаголю: да даст убо тебе Господь разум о всем.
8. Поминай (Господа) Иисуса Христа воставшаго от мертвых, от семене давидова, по благовествованию моему,
9. в немже злостражду даже до уз, яко злодей: но слово Божие не вяжется.