26. а вышний Иерусалим свободь есть, иже есть мати всем нам.
27. Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.
28. Мы же, братие, по исааку обетования чада есмы.
29. Но якоже тогда по плоти родивыйся гоняше духовнаго, тако и ныне.
30. Но что глаголет писание? Изжени рабу и сына ея, не имать бо наследовати сын рабынин с сыном свободныя.
31. Темже, братие, несмы рабынина чада, но свободныя.