6. якоже и инде глаголет: ты еси священник во век по чину мелхиседекову.
7. Иже во днех Плоти своея моления же и молитвы к могущему спасти его от смерти с воплем крепким и со слезами принес, и услышан быв от благоговеинства,
8. аще и Сын бяше, обаче навыче от сих, яже пострада, послушанию,
9. и совершився бысть всем послушающым его виновен спасения вечнаго,
10. наречен от Бога первосвященник по чину мелхиседекову.