15. таже похоть заченши раждает грех, грех же содеян раждает смерть.
16. Не льститеся, братие моя возлюбленная:
17. всяко даяние благо и всяк дар совершен свыше есть, сходяй от Отца светов, у негоже несть пременение, или преложения стень.
18. Восхотев бо породи нас словом истины, во еже быти нам начаток некий созданием его.
19. Темже, братие моя возлюбленная, да будет всяк человек скор услышати и косен глаголати, косен во гнев,
20. гнев бо мужа, правды Божия не соделовает.
21. Сего ради отложше всяку скверну и избыток злобы, в кротости приимите всажденное слово, могущее спасти душы вашя.