14. Хощу убо юным вдовицам посягати, чада раждати, дом строити, ни едины же вины даяти противному хулы ради:
15. се бо некия развратишася вслед сатаны.
16. Аще кто верен или верна имать вдовицы, да довлит их, и да не тяготится Церковь, да сущих истинных вдовиц удоволит.
17. Прилежащии же добре пресвитери сугубыя чести да сподобляются: паче же труждающиися в слове и учении.
18. Глаголет бо писание: вола молотяща не обротиши: и: достоин делатель мзды своея.
19. На пресвитера хулы не приемли, разве при двою или триех свидетелех.