1. Верно слово: аще кто епископства хощет, добра дела желает.
2. Подобает убо епископу быти непорочну, единыя жены мужу, трезвену, целомудру, (благоговейну,) честну, страннолюбиву, учителну,
3. не пиянице, не бийце, не сварливу, не мшелоимцу, но кротку, (не завистливу,) не сребролюбцу,
4. свой дом добре правящу, чада имущу в послушании со всякою чистотою:
5. аще же кто своего дому не умеет правити, како о Церкви Божией прилежати возможет?